Sollaroll

3-0-létt

2008-04-18T14:01:00.011+01:00

IMG_0832.jpg, originally uploaded by Solla.

Nú er kella orðin 30 ára – og með stóra kúlu á maganum í þokkabót. Ég hef verið beðin um bumbumyndir í margar vikur núna og loksins kemur hún.

IMG_1545.JPG, originally uploaded by Solla.

Ég nenni ekki að afsaka bloggleysi enda hefur varla neinn kvartað yfir því heldur. Þrátt fyrir bloggleysið þá hefur ýmislegt skemtilegt gerst hjá mér. Fyrir utan óléttuna er ég er ekki lengur fröken heldur frú. Það fór ekki mikið fyrir þessum merka atburði í lífi mínu en ég get þó allavega deilt með ykkur myndunum ;)

IMG_0698.JPG, originally uploaded by Solla.

Daginn eftir fórum við í smá brúðkaupsferð til Gibraltar, gistum þar á hóteli í 3 daga áður en við fórum á 6 daga Compitent Crew siglingarnámskeið sem við vorum búin að bóka okkur á, en það var líka í Gibraltar.

Dagur 1. Siglt í Gibraltar.
Dagur 2. Siglt til Sotogrande, Spáni.
Dagur 3. Siglt til Ceuta, tangi á Afriku sem tilheyrir Spáni.
Dagur 4. Siglt til Smir, Morocco.
Dagur 5. Siglt aftur til Ceuta.
Dagur 6. Sigldum í 7 vindstigum á motor aftur til Gib.

IMG_0845.JPG, originally uploaded by Solla.

Var að byrja á nýju prjóna verkefni – lítil og sæt peysa á dýrið.

Roma

2007-12-17T00:31:00.001Z

Ég og Sindri erum ný búin að vera í Róm hjá Helgu, Marco og Lunu.
Takk fyrir okkur!

IMG_0171.JPG, originally uploaded by Solla.

Myndir frá ferðinni hér.

Þá erum við búin að fara til Reykjavík, New York, Paris, Róm á þessu ári.

Arcade Fire

2007-11-20T11:27:00.000Z

Fór á tónleika í gær með Arcade Fire án þess að hafa hugmynd um hvaða hljómsveit þetta væri, ásamt nokkrum vinnufélögum Sindra og vinum þeirra (allir Íslendingar nema ein). Googlaði þess vegna hljómsveitina áður en ég lagið af stað. Inná MySpace síðuna þeirra og fann þar eitt lag sem ég kannaðist við. Það er dálítið erfitt að vera á tónleikum þar sem maður þekkir ekki lögin og sér ekki neitt. Mér fannst reyndar lögin ágæt, minnti mig dálítið á Suede (og þó?). Sindra fannst þetta hinsvegar leiðinlegt þannig að við ákváðum að stinga liðið af og fara bara heim snemma. Sorry guys! Við vorum hvort eð er búin að týna liðinu. Þrátt fyrir að sjá ekki á sviðið, þá var sviðsmyndin, ef ég get kallað það það, rosa flott hjá þeim og ég gat allavega séð á kringlóttu skjáina sem voru hátt uppi sitt hvoru megin á sviðinu og á bak við sviðið og sýndu það sem var að gerast á sviðinu frá nokkrum sjónarhornum.

Jólagjöfin í ár

2007-11-15T10:59:00.000Z

Ég er að selja myndir eftir mig á Etsy - solla.etsy.com. Ef einhver í vandræðum með hugmyndir að jólagjöfum endilega bendið þeim á myndirnar mínar. :)

Heimsókn frh.

2007-11-14T21:27:00.000Z

Við erum búin að búa í London í 3 og hálft ár núna og aldrei farið á söngleik fyrr en um daginn þegar foreldar Sindra og systir voru í heimsókn og við fórum öll á Mamma Mia - í boði tengdó - takk fyrir okkur! Söngleikurinn eða söguþráðurinn er búinn til úr Abba-lögum. Uppsetningin minnti mig þó dálitið á nemendaleikhús, kannski vegna þess að sviðið var frekar lítið, en sætin sem við fengum voru góð, reyndar voru líklega öll sætin í húsinu góð þannig séð. En þetta var ágætis skemmtun en minna "show" en ég átti von á. Tónlistin var live og það var hægt að sjá glitta í hljóðfæraleikarana undir sviðinu og hljómsveitarstjórin sat í fremstu röð í miðjunni með hljómborð og spilaði og stjórnaði - hress gaur.

Hver vill koma með okkur á We will rock you?!

Til hamingju með afmælið Bogga!!!

2007-11-12T10:12:00.000Z

Heimsókn

2007-11-11T11:14:00.000Z

Ég og Sindri fengum heimsókn í síðustu viku frá foreldrum hans og systur. Það er svosem ekki frásögufærandi en það var gaman að fá þau í heimsókn. Nokkrar myndir hér.

UK Stitch 'n Bitch Day

2007-11-09T18:11:00.001Z

socks_2.JPG, originally uploaded by Solla.

Yfirleitt þegar maður hugsar um nörda kemur upp í hugann tölvunörd, forritari, o.s.frv. Það eru líka til annarskonar nördar, nefninglega handverks nördar. Ég er ein af þeim. Ég fer ásamt Ellen vinkonu minni annan hver miðvikudag í garnbúð til að prjóna eða hekla ásamt öðrum konum. Búðin er líka með vínveitingarleyfi sem er ekki verra ef maður er þyrstur.

Á morgun verður haldin ráðstefna hérna í London sem nefnist UK Stitch 'n Bitch Day. Þar verða haldin ýmis námskeið, skemmtiatriði og markaður. Ég verð að passa budduna svo að ég missi mig ekki í garninnkaupum.

Ég kláraði sokkana mína í gær. Þeir urðu dáltið misjafnir og pinku lítið of stórir en kannski minka þeir í þvotti. Ég þarf að æfa mig í að prjóna alltaf jafn þétt.

mer-see boh-koo

2007-10-18T17:43:00.000+01:00

Ég bauð Sindra í helgarferð til Parísar með Eurostar og þar með er ég búin að bæta við eitt nýtt land á heimskortið mitt (Sindri reyndar líka). Svo mun annað land bætast við þegar við förum til Rómar í desember að heimsækja Helgu, Marco og Lúnu litlu.

create your own visited country map
or check our Venice travel guide

Frakkar voru bara mjög kurteisir og hjálpsamir þótt við kynnum ekki stakt orð í frönsku. Eina sem ég kann að segja er merci beaucoup (mer-see boh-koo) og bonjour. París er líka mjög falleg og rómó borg, minnti mig dálitið á Barcelona.

Við vorum svakalega heppin með veður og hótelið var líka mjög snyrtilegt og fínt. Hótelið sem við gistum á var í 9. hverfi á rue Fauburg Montamare. og við gengum á hótelið frá Gare Du Nord lestarstöðinni. Reyndar gengum við mest allt sem við fórum, enda var ég orðin ansi þreytt í fótunum.

Fyrsta dagin heilsuðum við uppá Mónu Lísu og Venus í Louvre safninu.

Daginn eftir fórum á Pompidou safnið

og skoðuðum Eiffel turninn.

Síðasta daginn fórum við að sjá Sigurbogann, Arc de Triomphe

og klifruðum uppí hann líka.

En við tókum fullt af myndum ef þið viljið sjá.

Sokkar

2007-10-08T18:37:00.000+01:00

Er að prjóna mínu fyrstu sokka.

Myndir frá siglinganámskeiðinu

2007-09-30T20:56:00.000+01:00

Loksins nennti ég að setja inn myndirnar frá siglinganámskeiðinu.

Til hamingju með afmælið

2007-09-29T14:11:00.000+01:00

Sindrinn minn á afmæli í dag. Húrra - húrra - húrra!!!

Er kaffið þitt milljón króna virði?

2007-09-14T17:43:00.000+01:00

Bara af því að það er föstudagur leyfði mér að fara á Starbucks og fá mér einn tall Java Chip frappuccino, mmmmmm......

En titilinn vísar í þessa grein.

A Pirate in Waterloo Station...

2007-09-07T13:55:00.000+01:00

Luciano Pavarotti RIP

2007-09-06T21:45:00.000+01:00

Maður að mála símaklefa í Angel, Islington

2007-09-06T19:09:00.001+01:00

Við erum að fara að sigla!

2007-09-06T10:25:00.001+01:00

Ég og Sindri erum að fara á siglinganámskeið um helgina hjá UKSA, United Kingdom Sailing Academy. Þetta kynningarnámskeið fyrir byrjendur. Við verðum eina nótt á skútunni. Lærum að stýra, meðhöndla segl og reipi, lærum hnúta og almenn öryggisatriði.

Við förum á morgun til Southampton með lest og svo með ferju útí Isle of Wight þar sem námskeiðið verður haldið og gistum þar eina nótt. Mætum svo kl. 8.45 á laugardagsmorgun og verðum líklega komin í land um 17.00 á sunnudag.

View Larger Map

Ég er spennt!

Bækur

2007-08-29T21:54:00.000+01:00

Var að klára að lesa bókina "Þú átt nóg af peningum ...þú þarft bara að finna þá!" eftir Ingólf H. Ingólfsson og mér finnst í alvörunni að ég eigi eftir að verða geðveikt rík eftir að hafa lesið hana. Bókin útskýrir hvernig megi spara með því að eyða peningum – sem sagt eyða í sparnað. Hvernig maður borgar niður skuldir hraðar en ella og sparar þannig milljónir í vexti til langs tíma. Einnig talar bókin um hvernig eigi að skipta útgjaldaliðum heimilisins í þrjá flokka: skuldir, neyslu og sparnað. Sparnaður er auðvitað útgjaldaliður númer eitt. Ef þú ert ein(n) af þeim sem veist ekki í hvað peningarnir fara muntu ekki taka eftir því hvort þú eyðir 10% af laununum þínum í sparnað eða ekki. Svo fylgir veflykill með bókinni sem veitir aðgang að veltukerfinu á spara.is sem ég ætla að kíkja á fljótlega. Check it and you will become rich!

Tala nú ekki um þegar ég er búin að lesa "Getting Things Done" þá verð ég rík OG skipulögð.

Nördinn ég hef líka gaman að handavinnu og keypti ég mér þessa hekl bók á amazon með fullt af skemmtilegur mynstrum.

Prince tónleikar

2007-08-19T18:53:00.000+01:00

Það var þokkalegt stuð á Prince tónleikunum

Myndavélin mín var tekin af mér tímabundið á meðan tónleikarnir voru en ég stalst til þess að taka myndir á símanum mínum...

Ég í Glitnis stúkunni á O2 Arena...

Tónleikarnir voru alltof fljótt búinir...

Bogga og Hersteinn

2007-08-18T16:22:00.000+01:00

komu í heimsókn 4. ágúst og voru hjá okkur í 10 daga. Við gerðum ýmislegt skemmtilegt saman. Borðuðum mikið og drukkum helling, versluðum og fórum á söfn – svona þetta týpiska. Við leigðum okkur líka bíl og keyrðum til Dover og gistum eina helgi. Þar sáum við the white cliffs of Dover, kastala, secret wartime tunnels sem eru inní hvítu klettunum og ýmislegt fleirra. Karlmenn þar í bæ voru ansi húðflúraðir og sumirhverjir sköllóttir, berir að ofan og karfa-rauðir af sól. Síðasta daginn keyrum til Sandwhic – yndislega krúttlegur bær. Þar stoppuðum við í nokkara klukkutíma, löbbuðum um bæjinn og fengum okkur svo Sunday roast áður en við lögðum í hann aftur. Síðan keyruðm við til Ramsgate, skoðuðum fjöruna þar og svo áfram til Isle of Sheppy en þar var ekkert að sjá svo að við ákváðum að keyra bara heim.

Síðasta mánudag átti Hersteinn afmæli, við héldum uppá það með stæl á veitingastaðnum Archipelago, sem er magnaður staður. Ekki fyrsta skipti sem við höfum farið þangað. Svo á þriðjudeginum voru þau farin. Endilega skoðið myndirnar.

Best að fara að taka sig til, Prince bíður eftir mér!

Franz Ferdinand á fimmtudegi

2007-07-26T12:39:00.000+01:00

Settni nokkur myndbönd með Franz Ferndinand hérna inná barí ganni. Ytið á menu til að sjá mismundandi lög. Þeir munu víst spila á NASA föstudaginn 14. september ykkur að segja, þið sem eruð á klakanum.

Ekki dautt enn...

2007-07-24T19:39:00.000+01:00

Ég er ekki búin að blogga í ár og öld, ekki síðan ég fór til Íslands að vinna í byrjun mars. Ég er búin að vera í London í þrjár vikur núna. Veðrið hér er ekki uppá marga fiska miðað við árstíma. Rigning og flóð víðsvegar um England.

Þótt ég hafi verið á Íslandi í fjóra mánuði fór ég samt nokkrar ferðir til London til að hitta Sindra. Var meðal annars í 10 daga í kringum páskana. Lúlla og Laila voru líka og fengu að gista í svefnsófanum. Við vorum ekkert smá heppin með veður þá og eyddum þó nokkrum klukkustundum útá terrössunni okkar – þurfum reyndar að klifra útum svefnherbergisgluggan til að komast útá þær, en það er ekkert mál fyrir liðugt fólk einsog okkur. Ég er því miður ekki með neinar myndir úr þessari ferð.

Ég hélt uppá 29 ára afmælið mitt í Apríl heima á Íslandi. Sindri kom til mín þá. Lúlli og Laila voru svo frábær að bjóðast til að halda afmælið mitt heima hjá þeim svo ég gæti boðið öllum sætu vinunum mínum. *<:o) Hér eru myndir frá afmælinu.

Í byrjun maí hitti ég Sindra á JFK flugvellinum í New York. Við vorum í New York í 4 daga og gistum í Brooklyn. Okkur var boðið í brúðkup og ákváðum að skella okkur, séstaklega þar sem Sindri hefur ekki komið þangað síðan hann bjó þar. Endilega skoðið myndirnar.

Jónsmessuhelgina labbaði ég Fimmvörðuhálsinn, ásamt Evu og Þór, Lúlla og Lailu, Boggu og Hersteini. Við stofnuðum gönguhópinn Dvergarnir sjö og ákváðum ef Sindri myndi ganga í félagið þá myndi hann vera Þyrnirós ;) en hann missti af þessari frábæru ferð. Við vorum rétt rúmlega 10 tíma á leiðinni. Brynja og Gísli löbbuðu líka Fimmvörðuhálsinn og hittu okkur nokkrum klukkustundum seinna í Básum. Við gistum í Þórsmörk í tvær nætur og skemmtum okkur konunglega. Myndir.

4. júlí var ég svo komin aftur til London. Daginn eftir var opnun á sýningu sem AOI stendur fyrir, Images 31 – The Best of British Contemporary Illustration. Ég var svo heppin að fá að vera með mynd á sýningunni og í bókinni. AOI er félag myndskreyta í Bretlandi.

þótt það sé ár síðan ég útskrifaðist með MA gráðu í Illustration, þá var útskriftar-athöfnin haldin 16. júlí síðastliðinn. Við vorum tvær úr bekknum sem mættum, ég og Jo. Nota bene mætti ég bara í athöfnina til þess að fá mynd af mér í Breskri útskriftar-múnderingu. :P Ég og Sindri héldum síðan uppá þetta í Soho, borðuðum Thailenskan mat og drukkum bjór. Sjá myndir.

Gluggi og svalir í eitt

2007-03-08T19:57:00.000Z

Ótrúlega sniðugar svalir.

Framtíðarlandið?

2007-02-06T22:48:00.000Z

Ný íbúð

2007-01-31T22:38:00.001Z

Við erum búin að vera að skoða íbúðir síðastliðnar 3 vikur, en það hefur ekki gengið jafn vel og áður. Síðustu helgi vorum búin að gefast upp og ætluðum að hætta við að flytja en svo kom í ljós að það var ekki í boði því það var þeger búið að leigja öðru fólki íbúðina okkar. Hinsvegar duttum við í lukkupottinn í dag. Íbúð á besta stað í bænum, Kings Cross. Íbúðin er á Kings Cross Road. Þá er bara best að byrja að pakka niður.

Særún Luna Solimene

2007-01-11T23:51:00.000Z

Helga og Marco eignuðust litla stúlku 4. janúar. Magnað!

Er komið vor?

2007-01-11T23:06:00.001Z

Samkvæmt Metro blaðinu hefur meðalhitinn að nóttu til í þessum janúar-mánuði verið heitari en í júlí á síðasta ári, en þá var hitabylgja. Meðalhiti hingað til er 12.6°C en í júlí á síðasta ári var hann 12°C. Venjulega er meðalhiti í janúar 1.5°C. Ég veit samt ekki hversu mikið er hægt að treysta á þessar tölur, hljómar allavega ótrúlegt. Samt hefur manni fundist einsog það sé að koma vor. Ég öfunda allavegana ekki Íslendinga núna í sínu vetrar óviðri.

Þessi kirkjugarður er fyrir aftan húsið sem ég vinn í. Merkilegt að vinna við hliðiná kirkjugarðk. Tók þessa mynd í dag með símanum mínum. Sjáiði hvað grasið er grænt. Annars er bara gaman í vinnunni, ég er núna að hanna nýtt útlit á trendstop vefinn, sem er mjög krefjandi og skemmtilegra en ég átti von á, þar sem ég hef ekki komið nálægt vefhönnun áður.

Við sögðum upp leigunni í Balppa House í dag. Hvert við munum flytja er ekki enn ákveðið, en líklega einhvert í norður London.

Nýjir hlutir á nýju ári

2007-01-03T18:43:00.001Z

Það eru nýjir hlutir að gerast í lífi mínu, á nýju ári. Fyrsti dagurinn minn í vinnunni var í gær. Það var ágætt, samt frekar leiðinlegt. Komst m.a. að því að það er lokað fyrir g-mail og msn í vinnunni. Maður á sem sagt að eyða Öllum sínum tíma í að vinna og ekkert rugl. Það var þó skemmtilegra í dag. Maður er jú að aðlagast ókunnugum stað og fólki. Fyrsta verkefnið mitt var að gera cover fyrir þema mánaðarins, sem hefur með austur evrópu að gera. Stúlkan á myndinni er líka hönnuður hjá trendstop. Endaði svo daginn með að fara rúmlega hálftíma of snemma, alveg óvart, fattaði það ekki fyrr en ég var komin út. Vonandi tók enginn eftir því. Vinnan er nefninlega með svona flexi-time policy.

Gleðilegt nýtt ár!

2007-01-01T21:23:00.001Z

Jólin 2006

2006-12-30T21:46:00.000Z

Jólin eru búin að vera algjör afslöppun, einsog þau áttu að vera. Ég og Sindri erum búin að borða á okkur gat og orðin feit og fín. Á aðfangadag eldaði ég skinku eftir uppskrift frá Nigellu og Sindri bjó til Ris a l'amande. Á jóladag var hangikjöt og Christmas Pudding að hætti breta í eftirrétt. Svo höfum við lifað á afgöngum og heimalöguðum ís hingað til.

Aðfangadagur

Jólagjafirnar mínar í ár. Takk fyrir mig!

Jóladagur

Fleirri myndir frá jólahaldinu okkar hérna.

2006-12-24T18:00:00.000Z

Grasekkja

2006-12-12T23:31:00.000Z

Sindri fór til Finnlands í vinnuferð um daginn en var ekki lengur en sólarhring í burtu. Hann kom heim með þessa fínu Moomin bolla. Í dag fór hann til Belgíu og verður í Antwerp þangað til á laugardag. Vonandi líður þetta fljótt...

Til gamans má geta að daginn sem Sindri fór til Finnlands var ég í atvinnuviðtali hjá finnskri stepu sem rekur síðu um tísku sem heitir trendstop.com. Ég fékk vinnuna og byrja 2. janúar. Trút trút!

Morðóður hórumorðingi gengur laus í Suffolk. 5 lík fundin á 10 dögum.

Nottingham frh.

2006-12-12T21:00:00.000Z

Komin heim frá Nottingham og búin að versla allar jólagjafir. Ætlaði að sýna ykkur myndir frá ferðinni en það lítur út fyrir að myndirnar hafa horfið. Greinilega kominn tími á nýja myndavél. Nottingham var ágætis bær, Robbin Hood kom þaðan. Á laugardeginum byrjuðum við daginn á að túristast og skoðuðum kastalann í bænum, versluðum jólagjafir seinniparitnn og höfðum það gott um kvöldið, fórum á tyrkneskan stað og borðuðum á okkur gat, enduðum svo kvöldið á Casino Royale sem var helvíti góð. Bond var full massaður fyrir minn smekk, minnti dálitið á górillu.
Á sunnudeginum kláruðum við að versla og tókum lestina heim um kvöldið.

Nottingham

2006-12-08T15:37:00.000Z

Farin með Sindra í helgarferð til Nottingham til að versla jólagjafir og hafa það huggulegt. Góða helgi!

Íslandsferð

2006-12-06T18:24:00.000Z

Hef ekki bloggað lengi, og allir sem lásu þetta blogg eru ábyggilega hættir að koma hér inn. En það er alltílagi...

Ég og Sindri fórum til Ísland í byrjun október, og ætluðum bara að vera í tvær vikur. Sindri var bara í tvær vikur en ég endaði með því að vera mánuði lengur til að vinna. Eva vakti mig einn morguninn og spurði hvort ég vildi vinna meðan ég væri á Íslandi. – Já! Enda komin til landsing m.a. í þeim tilgangi að kynna mig og reyna að fá einhver freelance verkefni. Ég vann 6 vikur á auglýsingastofu Guðrúnar Önnu og það var rosalega gaman. Alveg einsog í gömlu góðu dagana þegar ég og Eva sátum saman í skólanum. Ég fékk líka nokkur önnur verkefni með mér heim sem ég er reyndar búin með núna. Meðal annars endurbætti ég logoið fyrir ZO-ON.

Hérna koma einu tvær myndirnar sem ég tók sjálf meðan ég var á Íslandi. En þetta er útsýnið úr herbergisglugganum hjá foreldrum Sindra. Ekki amalegt?!!

Sindri hélt uppá afmælið sitt heima hjá foreldrum.

Ég fór nokkuð oft í bíó, fór á Börn, Mýrina, The Queen og ..... mig minnti að ég hefði séð fleirri myndir.

Ég fór á Sykurmolatónleika.

Ég byrjaði að prjóna lopa-peysu og er enn bara búin með ermarnar.

Það var orðið ansi kalt á klakanum, og snjóaði all hressilega nóttina áður en ég flaug heim. Svo að 10 stiga hiti í London var kærkomið.

Til hamingju með afmælið!

2006-09-29T08:26:00.000+01:00

Elsku Sindri minn á afmæli á dag. Hann er orðinn 30 ára kall. ;)

Nokkrar myndir

2006-09-25T18:39:00.000+01:00

Ég kem til Íslands í næstu viku og verð í tvær vikur. Vona að ég geti hitt sem flesta á þeim tíma.

Í síðustu viku fór ég og eyddi heilum degi úti, rölti um á Spitalfields svæðinu, kíkti á nokkrar hönnunarsýningar, fann kápu sem mig langar í en hef ekki efni á, labbaði upp Brick Lane og settist niður á kaffi húsi við enda götunnar og skissaði eina mynd. Ég sit núna heima og teikna múrsteina inná myndina, sem á eftir að taka heila eilífð. Það var 26 stiga hiti þennan dag og ég hugsaði með mér að ég þyrfti að nýta þennan líklega síðasta allmennilega sumardag úti, en ekki inni einsog venjulega fyrir framan tölvuna. Ég tók líka myndavélina með í ganni tók nokkrar myndir. Þær eru hér fyrir neðan, tók líka mynd af götunni sem ég teiknaði mynd af.

Hingað hef ég komið...

2006-09-16T12:53:00.000+01:00

Ég þarf að fara að ferðast meira...
create your personalized map of europe.

aumingja dúfan...

2006-07-23T21:42:00.000+01:00

Núna er vika síðan skólinn kláraðist. Ég var búin að leggja undir mig alla stofuna sem vinnustofu og núna er kominn tími til að setja hluti á sinn stað og þrífa. Ég er að verða búin en það er búið að ganga mjög hægt. Það er bara of heitt til að gera húsverk! – maður gerir allt á hálfum hraða. Ég tók mig til og þreif glugga og spegla í íbúðinni, og það tókst það vel að ein dúfan hélt að hún gæti bara flogið beint inn af svölunum og klessti á rúðuna... mjÖg fyndið.

Helga er komin og farin, er núna í Köben að heimsækja aðra vini. Ég er svo búin að bæta inn fleirri myndum frá heimsókninnni og loka sýningunni. Næst í heimsókn eru svo Davíð bróðir minn og kærastan hans, þau koma 1. ágúst og verða í tvær vikur.

2006-07-06T19:24:00.000+01:00

Helga kom með mér í skólann í gær og hjálpaði mér við að hengja upp verkefnið mitt og tók nokkrar myndir af skólafélögunum að vinna. Í dag var yfirferð og tekið viðtöl við hvern og einn til að meta okkur. Þetta gekk allt saman mjög vel þrátt fyrir mikið stress og það kom fyrir að einhverjir felldu tár, en það er allt búið núna. Núna er bara að bíða eftir einka-sýningunni.

allt að gerast

2006-06-29T11:14:00.000+01:00

Síðan er komin upp, elevenmostwanted.co.uk. Nafnið vísar í það að við erum 11 sem erum að útskrifast. Ég hef núna 4-5 daga til að vinna að sýningunni, á mánudag byrjum við að undribúa stofuna sem verkefnin okkar verða til sýnis, mála pússa skrúfa og þess háttar. Þriðjudagur og miðvikudagur fer í það að hengja upp og gera allt klárt til yfirferðar. Private View verður 11. júlí og sýningin verður svo opin til 15. júlí. Og það lítur út fyrir að ég verði útskrifuð 18. júlí.

Helga var rétt í þessu að lenda á Stansted flugvelli og verður hjá mér í tvær vikur. Skemmtilegt!

18. júní

2006-06-18T11:57:00.000+01:00

Maður er nú svo niðursokkinn í sínum eigin heimi þessa dagana, það var bara af því mér datt í hug að lesa einhver blogg að ég fattaði hvaða dagur var í gær.

Við sem erum að útskrfast verðum með heimasíðu, þar verða smá upplýsingar um okkur sjáf og verkefnin okkar. En það er ekkert komið inná síðuna ennþá, en verður vonandi komið í lok vikunnar. Best að halda áfram að vinna, nú eru tvær vikur til stefnu.

Þjóðverji í tölvuleik

2006-06-04T12:33:00.000+01:00

Ef þetta er ekki geðveiki þá veit ég ekki hvað?!!!

Barcelona ferðin

2006-05-24T14:38:00.000+01:00

Ég var eiginlega að fara að leggja mig af því að ég var svo þreytt en þá greip bloggandinn mig ...

Barcelona var YNDISLEG! einsog venjulega. Þetta er þriðja skipti sem ég kem þangað, annað skiptið með Sindra. Fyrsta skiptið var 2003 (ekki með Sindra, en hann var by the way í Bcn þetta sama sumar), sumarið sem ég útskrifast úr Listaháskólanum. Ég splæsti á mig 5 vikna "útskriftarferð" og heimsótti Boggu vinkonu sem bjó og var í námi þar á þeim tíma. Eftir þessa ferð var ég búin að ákveða að að flytja til Bcn innann tveggja ára og fara í framhaldsnám í illustration, læra spænsku, og var búin að láta Lín meta skólann sem ég hafði skoðað meðan ég var þarna. En svo kynnist ég Sindra og hann breytir stefnunni til London. Við flytjum bara til Barcelona seinna, þegar við erum orðin rík og búin að kaupa seglbát sem við getum búið í.

Það var gott að taka sér frí og ekki gera rassgat. Eva og Þór voru góðir gestgjafar. Við vorum ekkert að stressa okkur, bara borða, drekka og ... borða og drekka, gerðum eiginlega ekkert annað. Eyddum einum degi uppá Tibidabo, meira túristadót gerðum við ekki. Fyrir utan að shoppa smá, og einn dag á ströndinni í Sitges. Myndir út ferðinni eru komnar inná Flickr. og hérna eru myndrinar sem Eva tók.

Einnig má þess geta að ég sá tvo fræga einstaklinga í þessari ferð, fyrst Owen Wilson á El Japónes (Japnaskur veitingastaður) og svo Ronaldinho ásamt félögum á Barcelona flugvellinum á leiðinni heim. En náði því miður ekki að festa þá á "filmu" – einsog þegar ég náði mynd af Lauren Hill á Moldejazz hátíðinn í Molde, Noregi síðasta sumar. Ég held því fram að hún hafi sett einhver álög á myndavélina mína, því eftir að ég tók þessa mynd kom memory card error skilaboð á myndavélina og lét einsog það væru engar myndir inná kortinu. Ég fékk nottla nett sjokk þá, búin að taka nokkuð margar myndir. En myndirnar voru þarna. Og þessi skilaboð dúkka alltaf upp af og til til að bögga mig og vélin neitar að taka myndir í smá tíma.

en núna er raunveruleikinn aftur tekinn við, og ég hef ca. mánuð til að klára útskriftarverkefnið.

Reykjavík – Oxford – Barcelona

2006-05-09T10:08:00.000+01:00

Bloggandinn er ekki búinn að vera yfir mér lengi, þó margt sé búið að gerast. Stuttu eftir afmælið mitt fórum við í stutta ferð til Íslands. Þar skoðuðum við nýfætt barn Signýjar, systur Sindra. Við fórum í leikhús með Boggu og Hersteini, Helgu og Marco og Lúlla og Lailu. Fórum í borgaralega fermingu hjá Ástrós, litlu systir Sindra. Fórum í heimsóknir. Fórum í sund. borðuðum pulsu með öllu. Löbbuðum Laugarveginn ...fórum aftur heim til London.

Sama kvöld og við komum aftur til London komu tengdaforeldrar og Ástrós til okkar. Þau voru eina nótt og flugu svo áfram til Póllands að heimsækja vinafólk. Viku seinna voru þau komin aftur og við ákváðum að skella okkur til Oxford. Við leigðum okkur bíl í næsta húsi og lögðum af stað. Fyrsta daginn löbbuðum við um bæjinn, leigðum hótelherbergi og fórum út að borða. Útsýnið úr hótleherbergisglugganum var dálitið spes svo þegar við vorum komin heim googlaði ég "shark in roof" og fann þessa grein. Seinni daginn fórum við túristahringinn í strætó með live guide og fræddumst um Oxford. Fórum seinna um daginn með öðrum guide sem sýndi okkur inní nokkra af elstu háskólana í bænum. Seinnipartinn var ferðinni heitið heim. Fyrsta stopp, Heathrow, þar sem tendó tóku flugvélina heim.

Í fyrramálið verðum við Sindri lennt í Barcelona. Þar tekur Eva á móti okkur. Skemmtilegt!!

Í tilefni dagsins

2006-04-18T09:36:00.000+01:00

Í tilefni dagsins var ég vakin snemma og morgunmatur beið mín frammi, nammi namm... en því miður þurfti Sindri að fara í vinnuna því páskafríið er búið, svo ég verð bara að skemmta sjálfri mér í dag. Kannski ég fari í göngutúr og taki myndavélina meðferðis ...eftir hádegi.

Páskadagur 2006

2006-04-16T01:31:00.000+01:00

Gleðilega páska öllsömul!
Þau eru samt ekki jafn gleðileg hjá okkur því við Sindri fáum ekkert páskaegg í dag. Fórum í þrjár búðir í gær og öll páskaegg uppseld. Það bætir þó upp missinn að Ellen, Ameríska bekkjasystir mín, er búin að bjóða okkur í te-boð seinnipartinn, þar sem hápunkturinn verður fyrsti þáttur í nýrri seríu Doctor Who.

Í eldhúsinu í Balppa House

2006-04-08T21:15:00.000+01:00

Sindri er svo myndarlegur þegar hann tekur sig til – sem er því miður allt of sjaldan.

Skólinn minn

2006-04-04T20:25:00.000+01:00

Hérna sjáið þið mynd af ekki svo fallegu byggingunni sem skólinn minn er í – en útlitið er ekki allt.

Depeche Mode

2006-04-04T20:03:00.000+01:00

Tónleikarnir í gær voru frábærir!! þrátt fyrir ekkert svo frábær sæti. Myndin er tekin úr sætunum okkar, rétt áður en Depeche Mode stíga á sviðið. Flottasta lagið á tónleikunum að mínu mati á var Home sem var sungið af Martin, en David var að sjálfsögðu flottur líka.

Vorkvöld í Lon og don...

2006-04-02T22:56:00.000+01:00

Tók þessa mynd af Sindra áðan. Hún er tekin í Borough hverfinu rétt hjá okkur. Sjáiði fínu trén í blóma.

Sól sól skin á mig...

2006-03-30T22:00:00.000+01:00

Vorið er að koma og ég tók eftir ﬂví í dag að laufin eru að springa út á trjánum – og mér er ekki lengur kallt. Komin í sumarjakka og trefill og vettlingar skildir eftir heima. Ég er flannig að flegar mér er ekki kallt verð ég mikklu glaðari.

Tíminn líður svo hratt og önn númer 2 er svo gott sem búin, og sú þríðja og síðasta byrjar eftir páska. Útskriftin nálgast óðum. Sýningin á að hengjast upp 4. júlí og opnar officially 10. og verður til 16. að mér skilst. Ykkur er að sjálfsögðu boðið. Fystir koma fystir fá svefnsófann.

Ég er búin að henda inn nokkrum myndum frá síðustu helgi.
Okkur Sindra og fleirrum var boðið heim til Finns og Alberts í Sushi. Það var svaka gott og vel gert, og fallega boðið.

Næsta mánudag förum við á Depeche Mode tónleika á Wembley Arena. Wee!! Keyptum 3 miða af því að Finnur ætlaði með, en svo kemur í ljós að Gulla verður hjá honum þá og við gátum því miður ekki reddað fjórða miðanum svo að það lítur út fyrir að við Sindri forum tvö ein. Sem er ekkert verra.

Verðum á íslandi í fjóra daga eftir páska. Munum skoða nýfæddann frænda (barn Signýjar eldri systur Sindra) og svo er líka ferming Ástrósar (yngri systir Sindra). Svo að það verður mikið og skemmtilegt að gera þegar við kíkjum á Klakann og hittum flölskyldu og vini.

Trinidad & Tobago v Iceland

2006-03-01T20:33:00.000Z

Vináttuleikur í fótbolta, Trinidad & Tobago gegn Íslandi, var haldinn hér í London í gærkvöldi – í skíta kulda. Ég vann tvo miða frá Icelandair Lucky Fares og nokkrir vinnufélagar Sindra voru búnir að kaupa miða á leikinn. En því miður voru númeruð sæti og ég og Sindri gátum ekki setið með hinum, reyndum að finna leið niður en gekk ekki. Við sáum þó Íslenska fánann hans Finns fyrir neðan okkur. 7890 manns mættu á leikinn og hvað ætli hafi verið margir Íslendingar á leiknum – kannski 70? Við héldum auðvitað að Ísland myndi vinna (af því að þeir eru bestir) þar til 10 mín voru liðnar og andstæðingarnir höfðu þegar skorað sitt fyrsta mark. Leikurinn fór 2-0 fyrir T&T. Íslendingar kunna bara ekkert í fótbolta greyjin, nema Eiður.

Pancake Day

2006-02-28T13:02:00.000Z

Í dag er Pancake Day eða Shrove Tuesday. Wikipedia er með útskýringu á þessum degi.

Þorrablót

2006-02-27T23:24:00.000Z

Þorrablót Íslendigafélagsins hér í London var á laugardaginn. Vinnufélagar Sindra (ekki bara Íslendingarnir) mættu og smökkuðu meðal annars hákarl og Íslenskt brennivín en voru mis hrifin, sem ég get alveg skilið. Finnur sló í gegn, mætti í skotapilsi og komst í trommurnar hjá Páli Óskari og Milljónamæringunum sem spiluðu fyrir dansi.

Ég er búin að setja inn nokkrar myndir frá Þorrablótinu í febrúar albúmið mitt – þar er líka að finna myndir af kollegum mínum úr skólanum o.fl.

Á morgun er svo landsleikur Trinidad & Tobago v. Iceland, við erum ekki enn búin að fara á fótboltaleik hérna í London, svo að þetta verður gaman – áfram Ísland!

Afmælisbarn dagsins

2006-02-21T09:18:00.000Z

er Helga Ág. Til hamingju með afmælið!!!
Knús og kossar frá Sollu.

Nýjar myndir

2006-02-13T21:16:00.000Z

Ég veit, ég er ekki búin að skrifa neitt lengi, hef bara ekki haft neitt að segja – og hef ekki enn.
Nema ég setti inn nokkrar nýjar myndir (allt of fáar) síðan Eva og Þór millilenntu í London á leiðinni heim til BCN og gistu hjá okkur eina nótt í janúar.

Gleðilegt ár!

2006-01-05T18:52:00.000Z

Gleðilegt ár öll sömul! og takk fyrir okkur. Það var voða gott að koma heim til Íslands smá, þó stutt hafi verið. Myndavélin gleymdist í London yfir jólin svo að ég tók engar myndir. Tengdó björguðu því þó og sendu okkur heim með nokkrar myndir á geisladiski sem þau tóku. kannski ég plati Sindra til að velja nokkrar til að setja í net-mynda-albúmið mitt.

Nú erum við Sindri aftur orðin ein í kotinu hér í London, Laila (unglingurinn okkar) flutt heim. puhuu...

ætla ekki að hafa þetta lengra, á að vera að gera ritgerð , þangað til seinna.

í lokinn vil ég óska Írisi frænku til hamingju með daginn. Til hamingju!

Jólin eru að koma og við líka

2005-12-19T18:20:00.000Z

Þá erum við Sindri loksins búin að kaupa allar jólagjafir og pakka inn. Skólinn hjá mér búinn í bili, en verð þó að skrifa ritgerð sem ég þarf að skila í janúar og vonandi klára hana fyrir fimmtudag en sé það ekki alveg gerast. Lendum á Klakanum seint að kvöldi fimmtudags og vonumst til að hitta sem flesta yfir hátíðarnar.

Hvernig kaffi ert þú eiginlega?

2005-12-05T17:44:00.000Z

Latte!

Þú ert skapstór og íhaldsamur einstaklingur sem lætur ekki bjóða sér hvað sem er. Undir vissum kringumstæðum leyfirðu þér að prófa nýjungar, en þó aðeins að vel athuguðu máli.

Samkvæmt kaffiprófinu er ég
Latte!
og samanstend af tvöföldum espresso og flóaðri mjólk.
Hvernig kaffi ert þú eiginlega?

...það sem fólki dettur í hug

Þá erum við búin að fara til Cambridge

2005-11-28T17:26:00.000Z

Fórum til Cabridge á laugardaginn. Bjarki (vinnufélagi Sindra) og Bryndís konan hans buðu í innfluttningspartý. Hérna eru nokkrar myndir sem við tókum daginn eftir. Mundi ekki eftir myndavélinni í partýinu.

brrrrr....

2005-11-25T15:23:00.000Z

Það er kalt. Vildi að ég ætti ullarnærföt núna. en það er ekkert að marka mig, mér er yfirleitt alltaf kalt. Hitaelementið er bilað hjá mér.

Thað var elduaður Thanks giving matur heima hjá mér í gærkvöldi. Það eru fjórir amerikanar með mér í bekk (það er víst óvenjulegt). Ég eldaði reyndar ekki, hjálpaði þó smá til. Þar sem það var ekki til kalkúnn og heldur ekki kjúklingur var önd fyrir valinu og stuffing með. Sem var ágætt.

2005-11-17T11:38:00.000Z

Í dag óska ég Allý frænku minni til hamingju með afmæli. Hún lengi lifi!

Boggulíus á ammæli í dag!!

2005-11-12T00:34:00.000Z

Hæ skvís, til hamingju með daginn og góða skemmtun í kvöld!

Archipelago, Exploring the Exotic

2005-11-06T12:01:00.001Z

Það er ekki á hverjum degi sem maður getur fengið sér páfugl, krókódíl, kengúru, súkkulaðihúðaða sporðdreka, eftirrétti og drykki sem innihalda 24 karata gull á einum stað. Í gærkvöldi fórum við með Lailu og Lúlla á ótúlega kósí stað sem heitir Archipelago, rétt hjá Warren street lestarstöðinni. Ég rakst á þennan stað á netinu þegar ég var að leita að veitingarstað til að bjóða Sindra á þegar hann átti afmæli en fengum ekki borð þá.

2005-10-28T06:56:00.000+01:00

Litla systir mín varð 10 ára í dag. Til hamingju með afmælið!!

Internet!

2005-10-26T10:49:00.000+01:00

Tveggja mánaða bið er á enda. Internetið er komið í hús!!

afgreidslufolk...

2005-10-24T10:57:00.000+01:00

For inni frekar fina fata-bud a fostudag og afgreidslustulkan bydur mer godan daginn. ekki nog med thad en hun spyr mig lika hvort eg hafi tekid mer fri i dag og eg svara, ja... nokkurnvegin og segist vera i college. - Og hvad ertu ad laera - eeee.... illustration segi eg. reyni svo ad koma mer undan, er bara ad skoda fot, ekki leita mer ad vinkonu. svo kemur hun aftur stuttu seinna og spyr hvad eg aetli ad gera i kvold og svona... eg segi - ekkert planad, og hun - ekki eg heldur, aetla ad fara snemma ad sofa i kvold - og eg, ok....
Hvad var thetta!??

þvílík tilviljun...

2005-10-14T16:40:00.000+01:00

Magnað! Haldiði ekki að ég hafi ekki rekist á Guðjón á Regent Street í gær. Ég var búin að sjá það á blogginu hans að hann væri í London og var einmitt búin að hugsa að það myndi vera fyndið að rekast á hann – og það gerðist. Guðjón var sko með mér í bekk í LHÍ (fyrir þá sem ekki vita).

Síðusta föstudag fóum við Sindri og Laila á Röyksopp tónleika í Brixton. Þeir voru alveg frábærir. Svo á laugardeginum fórum ég og Sindri á Woyzeck, (í boði Öldu – Takk fyrir okkur!) leikrit sem Vesturportid settu upp (settu líka upp Romeo And Juliet), í Barbican leikhusinu her í London. Ágætis sýning, smá loftfimleikar og Ingvar Sigurðsson í aðalhlutverki, ekki amarlegt það.

Aumingja Laila, hún er ennþá með hroll. Hún varð fyrir ó-skemmtilegri árás á leiðinni í strætó áðan. Kemur ekki ógeðis maður og grípur í rassinn á henni, hann var greinilega mjög fullur, og við stoppum og lítum hneykslunar augum á hann, við bara vorum í sjokki. Helduru að hann hafi ekki stuttu seinna tekið á rás og ætlaði í aðra stelpu líka en við byrjuðum að öskra á hann og stoppuðum hann og náðum að vara stelpuna við áður en eitthvað meira gerðist.

Nyjar gamlar myndir

2005-10-10T19:46:00.000+01:00

Var að setja inn fullt af nýjum og gömlum myndum inná mynda-síðuna mína. Check it out!

Sumarið komið aftur?!!

2005-10-10T15:06:00.000+01:00

Ég ætla ekki að monta mig eða neitt svoleiðis... en það er 22ºC núna og verður álíka veður áfram út vikuna.

Mugison

2005-10-07T12:13:00.000+01:00

Fórum á tónleika með Mugison í gærkvöldi á Spitz. Það var magnað að sjá. Ég hafði ekki heyrt hann spila áður svo ég hafði engar væntingar. Infinite Lives hitaði upp ásamt íslenskri lúðrasveit (ef eg má kalla hana þad) sem kallar sig Nix Nolte, spilaði svona búlgarska tónlist. Infinite Lives var samansett af 2 japönskum gaurum spilandi á sinn hvorn mixerinn í Pikachu búningum og svartan söngvara með svartan sokk yfir höfuðið og blond hárkollu – við keyptum disk af þeim. Í lok kvölds var keyptur geisladiskur með Mugison og auðvitað mátti ekki gleyma ad biðja um eiginhandararitun (hef reyndar ekki beðið um áritun frá neinum síðan Ný dönsk gaf út Deluxe), ekki bara á diskinn heldur á brjóstið líka!

Klukk sagði Bogga

2005-09-29T12:37:00.000+01:00

Það er kominn klukk faraldur og ég komst ekki hjá smiti...

5 handahófskenndir hlutir um mig
1. Ég er ekki kammó týpan (líklega er ég mannafæla og/eða feimin ). Það þekkja mig fáir en þau fáu sem ég kalla vini mína þekkja mig vel.
2. Ég verð að laga til áður en ég byrja að læra/vinna því ég get ekki haft drasl í kringum mig – og þegar ég er loksins búin að laga til (í allri íbúðinni) er það orðið of seint til að læra/vinna. Samt er alltaf allt í drasli.
3. Ég naga neglurnar, hef aldrei endanlega getað hætt.
4. Ég er ótrúlega gleymin og sakna þess að hafa ekki Boggu til að hressa uppá minnið. Er byrjuð að halda dagbók (til að hressa uppá minnið) en eg gleymi stundum ad skrifa í hana.
5. Ég eyddi allt of löngum tíma í að ákveða hvaða 5 atrið ég ætti að skrifa.

...svo ég verð að smita aðra líka. Ég klukka hér með Sindra, Lailu og Evu slevu.

Hann a afmaeli i dag, hurra hurra hurra!!

2005-09-29T12:20:00.000+01:00

Til hamingju med afmaelid astin min!!!

gaeludyr... !$?

2005-09-20T16:55:00.000+01:00

vissi ekki ad vid vaerum med gaeludyr fyrr en i gaer thegar litil saet mus trittladi yfir eldhusgolfid og hvarf svo inn um litid gat i eldhusinnrettingunni...

2005-09-09T22:21:00.000+01:00

Til hamingju með afmælið Lúlli!! skál!

Namsmadur a ny

2005-09-08T11:49:00.000+01:00

Tha er eg ordin official nemandi i Camberwell. Mæti a thridjudag til ad hitta Subject leaderinn og svo er Welcome event a midvikudag, svo byrjar ballid. Verd ad vidurkenna ad eg hef blendnar tilfinningar, hlakka bædi til og kvidi fyrir. En mig hlakkar meira til, thad er spennandi verkefni framundan.

2005-09-06T19:10:00.000+01:00

aetladi ad blogga en nenni thvi eiginlega af tvi ad eg sit a internetkaffi og er ekki med islenskt lyklabord, bid bara eftir ad internetid komi heim.... annars er allt gott ad fretta, flutt og svna, stor og fin ibud med svefsofa...

1. september 2005

2005-09-01T01:48:00.000+01:00

Á morgun (þ.e. á eftir) verður líklega búið að loka fyrir netið, bara svona að nýta tækifærið og blogga smá. Verðum líklega netlaus næstu tvær vikurnar eða svo. Erum að flytja á morgun inní nýja íbúð í suður London. Vonandi verður ekki jafn heittt og í gær, maður er ekki mjög effectívur í hita. Við ætlum að sækja bíl í fyrramálið sem við leigjum sjálf til að flytja draslið okkar í. Rosalega á ég mikið af drasli, Sindri var að undra sig á því hvernig þetta komst hingað. Vonandi verður allt í standi í nýju íbúðinni. jæja verð að hætta, Sindri kallar...

Notting Hill Carnival

2005-08-28T23:17:00.000+01:00

Kíktum á Notting Hill carnivalið áðan með Lailu, þemað á carnivalinu var "Unity and Diversity". Hérna eru nokkrar myndir og hérna er smá um sögu carnivalsins. Mögnuð stemmning og sól og blíða. Sindri sólbrann dáltið á bringunni, er með svona V-hálsmáls far núna – mjög smart. Komum heim rúmlega 7 alveg uppgefin, fórum uppí rúm og steinsofnuðum í 3 tíma. Það er greinilega ekkert grína ð fara á carnival...

Helgarferð og ný íbúð

2005-08-16T13:28:00.000+01:00

Mamma og Katrín litla systir eru í heimsókn hjá okkur, komu síðasta sunnudag. Um helgina fórum við og fengum bíl til leigu, sem var mikklu ódýrara en við bjuggumst við. Við keyrðum (réttara sagt Sindri keyrði – og í fyrsta skipti í vinstri-umferð) fyrst til Stonehenge og skoðuðum það í hellidembu. Keyrðum svo til Salisbury og skoðuðum okkur smá um og fengum okkur kvöldmat. Við Sindri skoðuðum bæði Stonehenge og Salisbury í fyrrasumar en vorum ekki svona óheppin með veðrið þá. Svo keyðum við til Bournemouth og ætluðum að finna okkur gistingu þar en ekkert hótel var að fá svo við ákváðum að keyra bara aftur til London og fara aftur af stað næsta morgun. Ætlunin var að fara til Bournemouth á ströndina daginn eftir en það var ekki útlit fyrir strandarveður svo að við ákváðum að skella okkur í Legoland í staðinn. Legoland var rosalega skemmtilegur staður, fórum í nokkra rússíbana og svoleiðis, veðrið var líka fínt, þótt það hafi alveg mátt vera betra.

Annars er annað í fréttum að við erum búin að finna okkur íbúð í Borough og flytjum 1. september, og þið eruð velkomin í heimsókn þangað líka. Og ég byrja í 3 vikna undirbúningsnámi í ensku á morgun, lista- og hönnunartengt, 3 tíma á dag, áður en skólinn byrjar í september.

Myndir frá Noregsferð og fleirra er væntanlegt, vonandi get ég gefið mér tíma í næstu viku.

Afmælisbarn dagsins

2005-08-04T11:32:00.000+01:00

Til hamingju með afmælið Fríða mín!! vonandi áttiru góðan dag.

Norge - 14. 31. júlí - Ferðasaga

2005-08-03T14:14:00.000+01:00

Best að klára ferðasöguna...
Að hádegi 14. júlí lögðum við af stað frá Eplerød (Homestrand) og til pabba í Sjøholt (ekki svo langt frá Ålesund). Vorum ca 12 tíma á leiðinni, þar af ca 4 tíma stopp. Fyrsta stopp var hjá Vigdis (dóttir Tove konu Olav sem er bróðir pabba), hittum einnig manninn hennar Ove og börnin hennar tvö af þrem, Espen (16) og Stine (11), sá þriðji sem við hittum ekki heitir Sindre og er 14. Annað stopp var Hadeland glassverk og svo kvöldmatur í Gjøvik (átti heima þar frá 5 til 9 ára aldurs ef ég man rétt). Vorum sem sagt komin rétt eftir miðnætti til pabba sama dag.

Hjá pabba og Synnøve var svo mest megnis bara afsöppun, Sudoku, Playstation og Yatzy. Náðum að húkka pabba og Synnøve á Sudoku ..he he. Fórum reyndar í göngutúra í nágrenninu, aðallega tré og dýr að sjá enda eiga þau heima uppí sveit. Heimsóttum líka Davíð, hann á heima í Ålesund, og fengum að nota internet. Fórum líka tvisvar ef ekki þrsvar í með rútu í miðbæ Ålesund til að skoða arkitektúrinn (og túristabúðir). Ålesund er frægur fyrir einstakan arkitektur, kallaður Jugend-bærinn (Art Nouveau). Bærinn var eyðilagður í bruna 1904 og var endurbyggður í Jugend-stíl. Eitt skiptið sem við vorum í Ålesund var Báta festival í gangi, skoðuðum báta og fórum í þyrluflug yfir bæjinn.

Ég nenni ekki að skrifa meira núna framhald kemur hér fyrir neðan seinna...

2005-07-30T20:19:00.000+01:00

Við Sindri verðum komin aftur til London annað kvöld. Blogga meira um ferðina þegar heim er komið.

Til hamingju með afmælið Davið!! og takk fyrir okkur.

Noregur 8-12. júlí

2005-07-12T11:03:00.000+01:00

Þá erum vid búin að vera nokkra daga í Noregi. Búið að vera 30 stiga hita allan tímann, ekki amarlegt það. Davíð bróðir minn sótti okkur á flugvöllinn í Osló svo var ferðinni heitið til Kjell Øivind sem er bróður sonur pabba. Gistum þar um helgina og gátum skoðað Osló dálitið. Ég og Sindri keyptum okkur miða í tveggja hæða túrista-strætó og fórum hring í bænum. Skoðuðum það helsta einsog Vigelandsparken, konungshöllina, Þinghúsið og Akershus Festning (virki). Strætóinn fór einnig til Bygdøy þar sem við skoðuðum víkingaskip. Þessa helgi náðum við líka að kíkja á næturlífið, grilla, fara ut å bade i Katten og fara út að borða. Á sunnudeginum skoðuðum við öll konungshöllina áður en við héldum áfram ferðinni til Holmestrand. Kjell Øivind sagði okkur frá því að hann hefði staðið vörð við höllina þegar hann gengdi herþjónustu. Áður en við fórum til Holmestand komum við reyndar við á Nesodden þar sem elsti bróðir pabba, Arne og konan hans, Lisbeth eiga heima (foreldrar Kjell Øivind).
Nú erum við svo í Eplerød (Homestrand) hjá Inger (systur pabba) og Tore manninum hennar. Sunnudagsvköldið sem við komum til þeirra var þar heil móttökusveit, restin af systkinum pabba, Kari og Olav og konan hans Tove, Mor (amma) og Jan Kristian (sonur Inger og Tore).
Í gær fórum við í stutt ferðalag til Tønsberg sem er elsti bær (871) noregs. Versluðum smá, fengum okkur pizzu og skoðuðum Slottsfjellstornet. Á leiðinni heim aftur komum við við i Eidsfoss og fengum okkur bjór.
Við verðum líklega í Eplerød í einn tvo daga í viðbót áður við leggjum í hann til Ålesund, sem er ca. 7 tíma akstur héðan.

Noregs ferð

2005-07-07T23:38:00.000+01:00

Einsog staðan er núna er 38 manns látnir og 700 manns hafa slasast. En þið eruð væntanlega búin að fylgjast með fréttum svo að ég hef ekkert við þetta að bæta.

Ég og Sindri erum bara að pakka niður fyrir noregsferðina og búin að panta leigubíl útá flugvöll um hálf átta í fyrramálið, svo að það verður ekkert vesen – vonandi. Þið fáið ábyggilega eitthvað að heyra eitthvað í okkur, en komum aftur til London í lok júlí.

Sprengjur í Lundunarborg

2005-07-07T10:53:00.000+01:00

London hefur orðið fyrir nokkrum sprengingjum í morgun – í Undergroundinu (Aldgate, Edgware Road, King's Cross, Old Street and Russell Square stations) og allaveg einn strætó í Russel Square hefur sprungið. Lögreglan var fyrst að kenna rafmagsbilun um sprengingarnar í lestarkerfinu, en það lítur út fyrir að sprengjur hafi orsakað rafmagsbilununni. Allt lestarkerfið og strætóar í Central London er nú niðri, verið að tæma allar lestarstöðvar og strætóa. Hundruðir fólks er úti á götu og vita ekki hvað er að gerast eða hvert það á að fara. Fullt af fólki sem hefur verið í undirgroundinu hefur særst, atað blóði og ösku...

Og ég og Sindri erum að far til noregs eld snemma í fyrramálið...

Loksins...

2005-07-01T17:06:00.000+01:00

Loksins fékk ég bréfið frá CSM en hann neitaði mér. En ég er alveg sátt og hlakka til að byrja í Camberwell 12. september.

Við erum svo búin að vera með gesti í vikunni, Þór og kærastan hans Andrea. Þau buðu okkur svo út að borða (sem er díllinn í staðinn fyrir gistingu) í gærkvöldi á Great Eastern. Þurí systir hans Þórs kom til London í gær svo að hún kom líka með okkur út að borða. Eftir frábæra máltíð og einn drykk á barnum fórum við og fengum okkur fleirri drykki á Dragon, svona artí bar þar sem Banksy átti verk uppá vegg.

Í dag...

2005-06-21T20:12:00.000+01:00

Var rosalega dugleg að synda í morgun, sinnti 1500 metra, var ca hálftíma að því. Svo á morgun fer ég í heilsutékk (ástands-skoðun) hjá einkaþjálfara, mæla blóðþrýsting, þol, fituprósentu, þyngd, hæð o.fl. Fyndið að sjá hvernig sumir synda. Í morgun var gaur sem sinnti skriðsund einsog flóðhestur, það heyrðist splash í hverju hand-taki og líka með með lappirnar í sundur og svo kona sem synnti bringusund á hlið, með aðra kinnina fram, með sundgleraugu en setti samt hausinn ekki ofaní... skrítið fólk...

Er líka búin að klára að bæta inn fullt af myndum frá síðustu helgi inní júní möppuna, kannski allt of margar... en já já.

Finnur smitaði mig af Sudoku sem er japanskt, einsskonar talna krossgáta. Gott fyrir heilann – heilaleikfimi.

Svo er ég orðin grasekkja og verð það í 4 daga því Sindri fór aftur til Íslands en núna í vinnu-erindum.

Af með spikið!

2005-06-20T17:32:00.000+01:00

Keypti kort í gym áðan, synnti 5 eða 600 metra, fór í ljós, fór heim, borðaði túnfisk, tómat og drakk appelsínusafa. Stefni líka á að drekka meira vatn, sem verður kannski ekki svo erfitt núna þar sem það er orðið svo helvíti heitt. Held að það hafi verið heitara hér en í BCN um helgina og átti erfitt með að sofnað í nótt fyrir hita. En ég er allavega byrjuð í heilsuátaki núna, í dag, ætla að minnka ofát og rugl – af með spikið!

Á miðvikudaginn flutti Albert (vann hjá Orego), kunningi Sindra til London og er byrjaður að vinna hjá VYRE (einsog Sindri). Hann býr hjá okkur núna þangað til hann er búinn að finna sér sína eigin íbúð. Í byrjun vikunar var Finnur (líka vinur Alberts) mættur hingað í vinnuferð (vinnur hjá Orego), framlegdi vinnuferðina auðvitað og gisti hjá okkur frá fimmtudegi til sunnudags. Það er alltaf gaman að fá Finn í heimsókn því að þá er alltaf planað eitthvað skemmtilegt. Það sem stóð uppúr var indverski veitingarstaðurinn Bombay Brasserie í South Kensington, ofboðslega góður matur og góð þjónusta. Forréttur, aðalréttur og Cobra Coffee í deser sem var hápunktur kvöldsins. Vorum færð inní betri stofuna þar sem drykkurinn, flamberað kaffi með whisky og appesínu bragði/keim, var búinn til með tilþrifum (sjá myndir). Glösin voru fyrst skreytt að innan með bráðnum sykri en glasið"for the lady" var skreytt sérstaklega. Svo var stefnan tekin á Soho og á gay clúbb sem heitir Too 2 Much, allt öðruvísi og skemmtilegri stemning en á streit klúbbum. Ég og Sindri höfðum farið þangað einu sinni áður með Írisi frænku minni og konu sem er að vinna með henni sem er samkynhneigð en þær vinna hjá Hjálpartækjamiðstöð TR og voru hér í vinnuferð í maí minnir mig. Annað skemmtilegt var líka vínsmökkunin sem ég var búin að segja ykkur frá.

Það er 17. júní...

2005-06-17T12:14:00.000+01:00

Hæ hó og jibbí jey og jibbíi jey! Gleðilega hátíð öll sömul.

Vín smökkun í Soho

2005-06-15T14:11:00.000+01:00

Mér og Sindra var boðið í vínsmökkun í gærkvöldi með Finni og Einari yfirmanni hans sem eru hér í vinnuferð. Vínsmökkunin fór fram hjá Milroy's of Soho. Þetta voru 6 mismunandi Bordeaux rauðvín. Fyrir aftan nafnið á víninu stendur hvaðan þau eru. Mer fannst vín nr. 3 og 6 best. Hef þó ekkert vit á vínum, en þetta var mjög gaman.

1. 2001 I´Enclos du Chateau Lezongars, 1 er Cotes de Bordeaux
2. 1999 Les Ailes de Berliquet, 2nd Wine of Chateau Berliquet, St. Emilion Grand Cru Classé
3 1997 Chateau de Fieuzal, Pessac-Léognan
4. 1995 Chateau Lanessan, Cru Bourgeois Supérieur, Haut-Médoc
5. 1995 Chateau Potensac, Grand Cru Bourgeois, Médoc
6. 1997 Clos du Marquis, 2nd Wine of Chateau Leoville Lascases, St.-Julien

Það eru svo komnar nokkrar nýjar myndir til viðbótar í mynda-albúmið mitt. Myndir frá vínsmökkununni, Emilíana Torrini tónleikana í Tate Britain og fl.

Durty weekend in Reykjavík – ferðasaga

2005-06-14T12:33:00.000+01:00

Ég og Sindri skruppum til Reykjavíkur á föstudag, vorum lennt í Keflavík rétt fyrir ellefu um kvöldið, mamma og Kartín litla systir sóttu okkur. Sindri fór svo á létt djamm meðan ég var heima hjá mömmu. Á Laugardaginn tókum við strætó að Bakkastöðum og fengum lánaðan bíl, fórum svo og hittum gott fólk í lunch á Vegamótum, Boggu, Fríðu og Hlyn. Eftir það fórum ég og Bogga í klippingu og urðum svaka sætar, þ.e. sætari. Svo var það bara að taka sig til og pikka upp Helgu og Marco sem ætluðu að mæta i grill og potta-partý til okkar að Bakkastöðum. Notaði tækifærið og skoðaði íbúðina þeirra í leiðinni sem þau keyptu fyrir ekki svo löngu síðan. Hlynur, Finnur og Pétur (frændi) mættu líka í grillið. Finnur og Pétur fóru snemma því þeir voru að fara i útskriftarveislu frænku sinnar. Seinna um kvöldið þegar við vorum á leiðinni í pottinn mættu með látum herra Baldur og frú með auka lið með sér sem fengu lánuð sundföt og við fórum öll í pottinn, nem Helga og Marco sem ákváðu að láta sig hverfa. Potta-partíið fór að mestu leyti vel fram og vorum heppin með það að húsin sitthvoru megin við voru mannlaus. Undir lokinn hljóp galsi í strákana og hlupu niðrí fjöru einsog beljur að vori, týndu sundskýlunum á leiðinni og óðu úti litla eyju fyrir utan (ef kalla má eyju ). Ég og tvær aðrar gátum ekki verið minni menn og lékum eftir. Það fór þó bara ein úr sundfötunum. Um fimm leytið voru allir farnir og við komin uppí rúm. Um hádegið á sunnudag var svo mætt öll móðurættin hans Sindra í kaffi, svo að það var ekki mikið sofið út. Kvöldmatur hjá mömmu. Nammi og kók heima hjá Boggu um kvöldið, á meðan hitti Sindri Hlyn og horfðu saman á sólsetrið í Öskujuhlíðinni. Mánudagur. Fórum með litlu systur niðrí bæ fyrir hádegi, löbbuðum Laugaveginn, keyptum okkur Kína-skó og fengum okkur SS pulsu og ís í góða veðrinu. Um hádegið vorum við svo komin aftur heim til mömmu til að gera okkur klár fyrir heimferð. Mamma hans Sindra og Signý eldri systir hans komu svo til að keyra okkur útá flugvöll. Tékkuðum okkur inn á flugvellinum og þar sem við vorum dálitið snemma í því skurppum við inní Keflavík og fengum okkur kókó mjólk og snúð. Svo var flogið heim.

Var að segja inn þær fáu myndir sem ég tók í grillpartýinu, þar getið þið séð eyjuna sem vaðið var útí. Það var þó að falla frá þegar við óðum útí. Ég tók engar myndir af stripplinu en gæti kannski orðið mér úti um þær.

2005-06-09T12:08:00.000+01:00

Fékk loksins að heyra frá Saint Martins um daginn og var boðuð í viðtal og var að koma úr því núna. Viðtlalið gekk ágætlega, hefði kannski mátt svara nokkrum spurningum betur en ég var pínu stressuð. Mér var sagt að ég fengi svar eftir viku eða tvær. Ég verð bara að vera jákvæð og vona eftir jái, en ef þeir segja nei er það líka allt í lagi, ég er með pláss hjá Camberwell. Er núna á leiðinni út að hitta L&L í lunch og ætla að taka það rólega það sem eftir er dags.

Menning er góð

2005-06-05T21:18:00.000+01:00

Á föstudag var menningar-dagur hjá mér og reyndar fleirrum – fyrst var það National Gallery (lista-menning), Þar sem ég hitti L&L. Eftir það fengum við okkur pizzu (matar-menning) og hvítvín (vín-menning) með. Svo var leiðinni haldið í Tate Modern þar sem við ætluðum á tónleika (tónlistar-menning) með Emilíönu Torrini en komumst að því að þeir voru á Tate Britain, þannig að við fórum þangað og hittum Sindra á leiðinni. Þar var meiri vín-menning. Emilíana er voða sæt og rosa góð að sýngja, annað er ekki hægt að segja. Þetta voru skemmtilegir tónleikar – og útaf því að hún er svo sæt, er allt í lagi þótt hún segi skrítna brandara á ísl-ensku á milli laga og gleymir svo textanum í einu aðal laginu. Henni er allt fyrirgefið.

Núna er Sindri byrjaður að æfa sig í norsku á internetinu, er farinn að hlusta og reyna að skilja norskan framburð og apar líka stundum upp eftir tölvunni til að æfa sig að tala. Fimm mínutur á dag í mánuð og þá kann maður norsku. - God dag! - God kveld! - Morn! - Hyggelig å treffe deg! og svo framvegis (og så videre). Ha det bra, vi sees snart igjen.

2005-06-03T11:29:00.000+01:00

Til hamingju með ammælið Eva!!!

2005-06-01T14:28:00.000+01:00

Rosalega endaði Twin Peaks einkennilega... kannski ekki við öðru að búast heldur. En það var gaman að rifja upp þessa þætti, ég sá reyndar ekki alla á sínum tíma – ekki þættina sem gerðust eftir að morðið á Lauru Palmer var leyst.

Síðasta föstudag fór ég með Lúlla og Lailu í lengsta pikknikk ferð sem ég hef farið í. Vorum mætt útí Victoria Park sem er rétt hjá mér um eitt leitið og fórum ekki fyrr en að verða hálf tíu um kvöldið. Veðrið var líka yndislegt og gátum verið á bikiníinu allan tímann eiginlega. Sindri kom svo eftir vinnu með kampavínsflösku sem hann fékk gefins í vinnunni. Sóttum svo pizzur sem eru bakaðar á bar rétt hjá (Þar var engin önnur en Emíliana Torrini) og fórum með aftur útí garð.

Helgarferð til Íslands framundan.

Júrótrash

2005-05-23T00:28:00.000+01:00

Ætlaði að blogga eitthvað um Júróvisjon keppnina á föstudaginn, en veit ekki. Ég og Sindri fórum aftur til Soffíu til að horfa á aðal keppnina. Hún gaf okkur fajitas að borða og það var gott. Takk fyrir okkur. Það er nú alltaf gaman að horfa á júróvisjon, en ekki það sama þegar Ísland er ekki með. Leiðinlegt að fleirri höfðu ekki húmor fyrir Wig Wam. In my dreams var snilldar lag. Svo sem allt í lagi að Grikkland hafi unnið, ágætils lag svo sem – það var bara ekkert eftirminnilegt. Eina sem situr eftir í minningunni eru leggirnir.

Allavega ... var að koma heim úr bíó, Star Wars III var mögnuð!
farin að horfa á Twin Peaks ;)

Þjóðarsorg

2005-05-20T00:08:00.000+01:00

Þetta er þjóðarsorg fyrir Íslendinga, aumingja Selma að komast ekki áfram. Ég bara skil ekkert í þessu, ég held að engum hafi dottið annað í hug en að hún kæmist áfram. Kannski var það búiningurinn, maður veit aldrei eða of fáir íslendingar. Það verður ekki jafn gaman að horfa á Eurovision á laugardaginn. Ég get þó haldið með Norðmönnum.

In my dreams...

2005-05-19T17:32:00.000+01:00

Mikill spenningur í loftinu, það eru nebblilega "semi finals" í kvöld í Eurovisioninu. Ég og Sindri ætlum til Soffíu á eftir til að horfa á það (eigum sko ekki sjónvarp ...ennþá). Við ætlum að halda með Noregi að þessu sinni (ótrúlegt en satt), þeir eru með snilldar lag, svona glysrokk. – Þar sem ég er líka normaður er ég afsökuð fyrir að svíkja lit, en ætli maður haldi ekki smá með Íslandi líka – af því að ég er líka íslendingur.